कृषी महाविद्यालयात जागतिक मृदा दिन साजरा
कृषी महाविद्यालयात जागतिक मृदा दिन साजरा
धाराशिव दि.११ (प्रतिनिधी) - तालुक्यातील गडपाटी येथील व्ही पी शैक्षणिक संकुलातील श्री साई जनविकास कृषि महाविद्यालयमध्ये डॉ. प्रतापसिंह पाटील व करण प्रतापसिंह पाटील यांच्या मार्गदर्शनाखाली जागतिक मृदा दिन दि.११ डिसेंबर रोजी उत्साहात साजरा करण्यात आला.
सर्व प्रथम घटनेचे शिल्पकार डॉ. बाबासाहेब आंबेडकर यांच्या प्रतिमेस पुष्पहार अर्पण करण्यात येऊन अभिवादन करण्यात आले. कार्यक्रमाची सुरुवात मृदा पूजन करून करण्यात आली. यावेळी बोलताना सीमा सय्यद म्हणाल्या की, मृदा संवर्धन ही काळाची गरज असून शाश्वत शेतीसाठी सुपीक जमिनीचे रक्षण अत्यावश्यक असल्याचे त्यांनी सांगितले. तसेच त्यांनी आपल्या प्रेमा गो पालन शेतकरी उत्पादक कंपनीची माहिती दिली. तर सुवर्णा घाडगे यांनी सेंदिय शेतीचे महत्व सांगितले. तसेच कृषि सहाय्यक सुषमा काळे यांनी शासनाच्या वेगवेगळ्या योजनांची माहिती दिली. तर मृदा शास्त्र विभागाच्या विभाग प्रमुख डॉ. पल्लवी घोडके यांनी माती पाणी परीक्षणाचे महत्व व खत व्यवस्थापन या विषयी विद्यार्थ्याना सविस्तर मार्गदर्शन केले. तसेच डॉ. अमित गांधले यांनी मृदा आरोग्य संवर्धन, सेंद्रिय शेती, खत व्यवस्थापन, माती परीक्षणाचे महत्त्व याबाबत मार्गदर्शन केले. यावेळी मृदा आरोग्य कार्ड उपक्रमाबाबत विद्यार्थ्यांना माहिती देत शाश्वत कृषी पद्धती अवलंबवावे असे आवाहन करण्यात आले. कार्यक्रमाचे सूत्रसंचालन प्रा. सुनील भालेकर यांनी तर आभार डॉ. सागर बुरगुटे यांनी मानले. या कार्यक्रमास कृषि महाविद्यालयाचे व्यवस्थापक प्रा हरी घाडगे, महाविद्यालयातील सर्व प्राध्यापक, इतर कर्मचारी व विद्यार्थी मोठ्या संख्याने उपस्थित होते.
