एकलव्य आश्रम शाळेच्या ९ विद्यार्थीनींची राज्यस्तरीय मैदानी क्रीडा स्पर्धेसाठी निवड
उस्मानाबाद दि.१२ (प्रतिनिधी) - जिल्हा क्रीडा कार्यालयाच्यावतीने घेण्यात आलेल्या लातूर विभागीय मैदानी क्रीडा स्पर्धामध्ये एकलव्य आश्रम शाळा मंगरूळ यमगरवाडीतील २८ विद्यार्थ्यांनी विभागीय स्पर्धेमध्ये सहभाग घेतला होता. त्यापैकी ९ विद्यार्थ्यांची राज्यस्तरीय स्पर्धेसाठी निवड झालेली आहे. यामध्ये ३ हजार मीटर धावणे या क्रीडा प्रकारामध्ये प्रणिता गाडेकर हिने प्रथम क्रमांक मिळवला. दीड हजार मीटर धावणे या क्रीडा प्रकारांमध्ये ईश्वरी तेली हिने प्रथम क्रमांक मिळवला. व ४ हजार ४०० बॅटन दिले. या क्रीडा प्रकारामध्ये प्रणिता गाडेकर, ईश्वरी तेली, शितल गायकवाड,कल्पना जाधव आणि सोनाली गिरी यांनी प्रथम क्रमांक मिळवला. तर ४ किमी क्रॉस कंट्री या क्रीडा प्रकारांमध्ये शितल गायकवाड व ईश्वरी तेली यांची राज्यस्तरीय स्पर्धेसाठी निवड झाली आहे. या सर्व खेळाडूंची पुढे होणाऱ्या राज्यस्तरीय स्पर्धेसाठी निवड झाली आहे. या सर्व खेळाडू व क्रीडा विभाग प्रमुख बालाजी क्षीरसागर, महादेव शेंडगे, क्रीडा प्रशिक्षक ज्ञानेश्वर भुतेकर यांचे संस्थेच्यावतीने संस्थेचे अध्यक्ष रामचंद्र वैदू, कार्यवाह, विवेक आयचीत, उपाध्यक्ष डॉ.अभय शहापूरकर, अण्णासाहेब कोल्हटकर, विठ्ठल म्हेत्रे, संस्थेचे संचालक मंडळ व सर्व कर्मचारी यांनी अभिनंदन करुन पुढील स्पर्धेसाठी शुभेच्छा दिल्या.
