१ ऑक्टोबरला...स्वच्छतेसाठी एक तारीख- एक तास....उपक्रम नळदुर्ग किल्ला परिसराच्या स्वच्छतेसाठी सर्वांनी...एक तारीख- एक तास....स्वच्छता उपक्रमात सहभागी व्हावे
१ ऑक्टोबरला...स्वच्छतेसाठी एक तारीख- एक तास....उपक्रम
नळदुर्ग किल्ला परिसराच्या स्वच्छतेसाठी सर्वांनी...एक तारीख- एक तास....स्वच्छता उपक्रमात सहभागी व्हावे
क्षेत्रीय प्रचार अधिकारी अंकुश चव्हाण यांचे आवाहन
पुरातत्व विभाग, नगर परिषद, माविम, धरित्री विद्यालय, स्वयंसेवी संस्था होणार सहभागी
धाराशिव,दि.28(जिमाका): राष्ट्रपिता महात्मा गांधीजी यांच्या जयंतीनिमित्त देशभर 16 सप्टेंबर ते 2 ऑक्टोबर पर्यंत स्वच्छता पंधरवडा आणि स्वच्छता ही सेवा उपक्रमांतर्गत वेगवेगळे कार्यक्रम राबविण्यात येत आहेत. प्रधानमंत्र्यांनी आपल्या....मन की बात.... कार्यक्रमांमध्ये दि.१ ऑक्टोबर रोजी देशातील विविध ऐतिहासिक स्थळे, नदी व अमृत सरोवर या ठिकाणी १ तास श्रमदानाच्या माध्यमातून स्वच्छता करण्याचे आवाहन केले आहे या आव्हानाला अनुसरूनच भारत सरकार माहिती आणि प्रसारण मंत्रालयाच्या केंद्रीय संचार ब्यूरो, सोलापूर यांच्यावतीने नळदुर्ग किल्ल्यामध्ये १ तास स्वच्छता करण्याचे निश्चित करण्यात आले आहे. त्यानुसार १ ऑक्टोबर रोजी सकाळी १० ते ११ या वेळेत नळदुर्ग किल्ला परिसरातील उपली बुरुजाची स्वच्छता करण्यात येणार असल्याची माहिती क्षेत्रीय प्रचार अधिकारी अंकुश चव्हाण यांनी दिली आहे.
स्वच्छतेसाठी....एक तारीख-एक तास...या उपक्रमात पुरातत्व विभाग, नगर परिषद, महिला आर्थिक विकास महामंडळ, महिला बचत गट आणि धरित्री विद्यालय आदी शासकीय व निमशासकीय संस्थांचा सहभाग असणार आहे. या अभियानात स्वयंस्फुर्तीने श्रमदान व स्वच्छतेसाठी नागरिकांनी www.swachhatahiseva.com या वेबसाईटवर आपले नाव नोंदवावे अथवा आमच्या व्हाट्सअप नंबर 9420923107 वर संपर्क साधावा, असे आवाहन सहाय्यक क्षेत्रीय प्रचार अधिकारी अंबादास यादव यांनी केले आहे.
