सह्याद्री इंटरनॅशनल स्कूलमध्ये हैद्राबाद मुक्ती संग्रामनिमीत्त व्याख्यान
सह्याद्री इंटरनॅशनल स्कूलमध्ये हैद्राबाद मुक्ती संग्रामनिमीत्त व्याख्यान 
धाराशिव दि.८ (प्रतिनिधी) - येथील सह्याद्री इंटरनॅशनल स्कूल उस्मानाबाद येथे हैद्राबाद मुक्ती संग्राम अमृत महोत्सवानिमित्त व्याख्यान घेण्यात आले.
यावेळी अजय वागळे यांनी मराठवाड्यातील जनतेला रझाकाराच्या जुलमी सत्तेतून मुक्त करण्यासाठी अनेक स्वातंत्र्यविरांनी कसे काम केले ? याविषयी मार्गदर्शन केले. तर प्रशालेच्या मुख्याध्यापिका आशा इंगळे यांनी हैद्राबाद मुक्ती संग्राम लढ्यातील शहीद शूरवीर व त्यांचा इतिहास हा अमर असल्याचे सांगितले. यावेळी विजय गायकवाड, प्रशालेचे प्रशासकीय अधिकारी सतीश जाधव आदी उपस्थित होते. कार्यक्रमाचे सूत्रसंचालन सहशिक्षिका पूजा भोयटे यांनी केले. यावेळी शिक्षक, शिक्षकेतर कर्मचारी व विद्यार्थी मोठ्या संख्येने उपस्थित होते.
