प्रा. सुर्यवंशी यांना स्व. मारोतराव कऱ्हाळे आदर्श शिक्षक पुरस्कार जाहीर
कळंब दि.९ (प्रतिनिधी) - शिक्षण महर्षी ज्ञानदेव मोहेकर महाविद्यालयातील प्रा.डॉ. दीपक सुभाषराव सुर्यवंशी (मराठी विभाग) यांना हिंगोली येथील समृद्धी प्रकाशनाच्यावतीने देण्यात येणारा राष्ट्रीय पातळीवरील स्व.मारोतराव कऱ्हाळे आदर्श पुरस्कार २०२३ जाहीर झाला आहे.
निवडीचे पत्र संयोजक प्रा.डॉ. श्रीराम कऱ्हाळे यांनी दिले आहे. या पुरस्काराचे वितरण हिंगोली येथे ऑक्टोबरमध्ये करण्यात येणार आहे.
प्रा.डॉ. सुर्यवंशी हे महाविद्यालयात २००६ पासून मराठी विषयाचे अध्यापन करतात. त्यांचे क्रांतिरत्न महाग्रंथ, ललितगंध, समतावादी साहित्यीक अण्णाभाऊ साठे आणि रंगनाथ तिवारी व्यक्ती आणि वाडमय आदी पुस्तके प्रकाशित आहेत.
तसेच प्रासंगिक लेख, शंभर पेक्षा अधिक पुस्तकांचे परीक्षण, अनेक विषयांवर शोध निबंध राष्ट्रीय व आंतरराष्ट्रीय जर्नलमधून प्रकाशित आहे. त्यांना महात्मा ज्योतिबा फुले शिक्षण परिषद आदर्श शिक्षक पुरस्कार, लोकमंगल फाऊंडेशन व मल्टीस्टेट सोलापूर शिक्षकरत्न पुरस्कार, रोटरी क्लब ऑफ उस्मानाबाद सिटी आदर्श शिक्षक पुरस्कार, श्री गुरु रामचंद्र बोधले महाराज संस्थान (क दर्जा पर्यटनस्थळ ) डिकसळ सेवागौरव , धनेश्र्वरी शिक्षण समूह महाराष्ट्र, छत्तीसगड यांचा शिक्षकरत्न पुरस्कार, गंगाई-बाबाजी फाउंडेशन, आष्टी राज्यस्तरीय शिक्षक पुरस्कार, कोरोना काळातील मनोबल वृध्दींगत करणाऱ्या लेखाबद्दल, झी लाईव्ह न्यूजचा कोरोना योद्धा पुरस्कार, ज्ञान प्रसारक मंडळाचा ज्ञानदीप पुरस्कार आदी पुरस्कार मिळाले आहेत. त्याबद्दल ज्ञान प्रसारक मंडळ संस्थेचे अध्यक्ष प्रा.आबासाहेब बारकुल, सचिव डॉ. अशोकराव मोहेकर, प्राचार्य डॉ.सुनील पवार, उपप्राचार्य डॉ. सतीश लोमटे, डॉ.हेमंत भगवान, डॉ . के.डी. जाधव, प्रा.दादाराव गुंडरे, हनुमंत जाधव, अरविंद शिंदे, शिक्षक, शिक्षकेत्तर कर्मचारी व विद्यार्थ्यानी अभिनंदन केले आहे.
धाराशिव शहरात वेश्या व्यवसाय करणाऱ्या हॉटेल व लॉज मालक गुरव यांच्यावर गुन्हा दाखल
वेश्या व्यवसाय करणाऱ्या हॉटेल लॉज मालकावर गुन्हा दाखल धाराशिव शहरातील देह विक्री करून घेणाऱ्या दलांचे सत्र संपता संपेना ! धाराशिव दि.१० (प्रतिनिधी) - धाराशिव शहरातील तांबरी विभागातील किरण महादेव गुरव व्यवसाय (हॉटेल लॉज मालक) यांनी स्वत:च्या आर्थिक फायद्यासाठी दि. ४ एप्रिल रोजी ३ वाजण्याच्या सुमारास जुनोनी रोड अंबेहोळ रोडच्या लगत असलेल्या हॉटेल बालाघाट कॅफेटेरिया व्हेज नॉनव्हेज बिअर बार रेस्टॉरंट ऍड लॉजवरील २ महिलांना वाणिज्यिक प्रयोजनासाठी आश्रय देऊन त्यांना ग्राहकांच्या मागणी प्रमाणे लैंगीक समागमनासाठी पराववृत्त करुन तिला वैश्या व्यवसाय करण्यास भाग पाडून तिच्यावरती उपजिवीका करीत असताना पंचा समक्ष मिळून आला. या ठिकाणी पोलीसांनी छापा टाकून कारवाई करुन यातील पिडीत २ महिलांची सुटका केली. या प्रकरणी सरकारतर्फे दिलेल्या तक्रारीवरून गुरव यांच्या विरोधात भा.द.स. कलम ३७० सह अनैतिक मानवी व्यापार प्रतिबंध अधिनियम कलम ४, ५, ६ व ७ अन्वये धाराशिव शहर पोलीस ठाण्यात गुन्हा नोंदवला आहे.
