परंडा शहरातील स्वच्छता करण्याची शिवसेना ( ठाकरे) ची मागणी
परंडा दि.६ (प्रतिनिधी) - शहरातील स्वच्छता करण्यात यावी अशी मागणी शिवसेना (ठाकरे) च्यावतीने एका निवेदनाद्वारे केली आहे.
दिलेल्या निवेदनात असे नमूद करण्यात आले आहे की, आगरकर गल्लीतील व शहरातील बोअरवेल चालू करावेत तसेच शहरातील स्वच्छता करावी. शहरात डेंग्यू, मलेरिया सारखे आजार वाढत आहेत. त्यामुळे येत्या १० दिवसांत हे प्रश्न मार्गी लावावेत. अन्यथा शिवसेन स्टाईलने आंदोलन करण्यात येईल असा इशारा देण्यात आला. या निवेदनावर शहर प्रमुख रईस मुजावर, माजी नगरसेवक मकरंद जोशी, डॉ.अब्बास मुजावर, बाजार समिती संचालक ऍड. अनिकेत काशीद, युवा सेनेचे शहर प्रमुख कुणाल जाधव, सचिन शिंदे, राजा पाटील, आण्णा लोकरे, पंकज नांगरे, अशोक चव्हाण, राहुल काशीद, हनुमन जाधव, योगेशे मरळे, आकाश काशीद, ओंकार काशीद, सलीम हन्नुरे, प्रकाश काशीद, राहुल आगरकर, रंजना काशीद, कविता काशीद, जमुना काशीद, सुरेश काशीद, महादेव शिंदे, नागेश काशीद, हनुमंत हातुळकर आदींच्या सह्या आहेत.
धाराशिव शहरात वेश्या व्यवसाय करणाऱ्या हॉटेल व लॉज मालक गुरव यांच्यावर गुन्हा दाखल
वेश्या व्यवसाय करणाऱ्या हॉटेल लॉज मालकावर गुन्हा दाखल धाराशिव शहरातील देह विक्री करून घेणाऱ्या दलांचे सत्र संपता संपेना ! धाराशिव दि.१० (प्रतिनिधी) - धाराशिव शहरातील तांबरी विभागातील किरण महादेव गुरव व्यवसाय (हॉटेल लॉज मालक) यांनी स्वत:च्या आर्थिक फायद्यासाठी दि. ४ एप्रिल रोजी ३ वाजण्याच्या सुमारास जुनोनी रोड अंबेहोळ रोडच्या लगत असलेल्या हॉटेल बालाघाट कॅफेटेरिया व्हेज नॉनव्हेज बिअर बार रेस्टॉरंट ऍड लॉजवरील २ महिलांना वाणिज्यिक प्रयोजनासाठी आश्रय देऊन त्यांना ग्राहकांच्या मागणी प्रमाणे लैंगीक समागमनासाठी पराववृत्त करुन तिला वैश्या व्यवसाय करण्यास भाग पाडून तिच्यावरती उपजिवीका करीत असताना पंचा समक्ष मिळून आला. या ठिकाणी पोलीसांनी छापा टाकून कारवाई करुन यातील पिडीत २ महिलांची सुटका केली. या प्रकरणी सरकारतर्फे दिलेल्या तक्रारीवरून गुरव यांच्या विरोधात भा.द.स. कलम ३७० सह अनैतिक मानवी व्यापार प्रतिबंध अधिनियम कलम ४, ५, ६ व ७ अन्वये धाराशिव शहर पोलीस ठाण्यात गुन्हा नोंदवला आहे.
