भाविकांनी तुळजाभवानी मातेच्या दर्शनाचा ऑनलाईन पद्धतीने लाभ घ्यावा

भाविकांनी तुळजाभवानी मातेच्या दर्शनाचा ऑनलाईन पद्धतीने लाभ घ्यावा

धाराशिव दि.१७ (प्रतिनिधी) - महाराष्ट्राची कुलस्वामिनी आई तुळजाभवानीच्या दर्शनासाठी महाराष्ट्रासह आंध्रप्रदेश, कर्नाटक, तेलंगणा व इतर राज्यातून मोठ्या संख्येने भाविक कुलदेवता असल्याने तुळजापूरला कुलाचार व कुलधर्म करण्यासाठी येतात. श्री देवीजींची सिंहासन पूजा ही अत्यंत महत्त्वाची मानली जाते. या सिंहासन पूजेसाठी  ऑनलाईन पद्धतीने नोंदणी श्री तुळजाभवानी मंदिर संस्थानच्या https://shrituljabhavani.org या अधिकृत संकेतस्थळावर उपलब्ध करून देण्यात येत आहे. नोव्हेंबर महिन्याच्या सिंहासन पूजेच्या नोंदणीसाठी वेळापत्रक तयार करण्यात आले आहे.

नोव्हेंबरमधील इतर दिवशी सिंहासन पूजा ऑनलाईन पद्धतीने स्विकारण्यात  येणार असल्याची सर्व भाविक भक्त, महंत, पुजारी, सेवेकरी व नागरिकांनी नोंद घ्यावी. तसेच भाविकांनी सिंहासन पूजा श्री तुळजाभवानी मंदिर संस्थानच्या अधिकृत संकेतस्थळ https://shrituljabhavani.org यावरून सिंहासन पूजा पास बुकींग या मेन्यूवर क्लिक केल्यानंतर https://shrituljabhavanimataseva.org या लिंकवर प्रवेश करून भाविकांनी सिंहासन पूजेची नोंदणी करावी. दि.२१ ऑक्टोबर रोजी सकाळी १० वाजल्यापासून ते २६ ऑक्टोबर रोजी सकाळी १० वाजेपर्यंत ऑनलाईन पद्धतीने पूजा नोंदणी करता येईल. ऑनलाईन ड्रॉ पध्दतीने प्रथम सोडत व भाविकांना पेमेंटसाठी २६ ऑक्टोबर रोजी सकाळी १०.३० वाजल्यापासून एसएमएस पाठविण्यात येतील. तर भाविकांनी प्रथम सोडतीचे पेमेंट २६ ऑक्टोबर रोजी रोजी सकाळी १०.३० वाजल्यापासून २७ ऑक्टोबर रोजी सकाळी १० वाजेपर्यंत करता येईल. तसेच सिंहासन संख्या पूर्ण न झाल्यास ऑनलाईन ड्रॉ पद्धतीने द्वितीय सोडत व भाविकांना पेमेंटसाठी २७ ऑक्टोबर रोजी सकाळी १०.३० वाजल्यापासून एसएमएस पाठविण्यात येईल. भाविकांनी द्वितीय सोडतीचे ऑनलाइन पेमेंट २७ ऑक्टोबर रोजी सकाळी १०.३० ते २८ ऑक्टोबर सकाळी १० वाजेपर्यंत करावे. प्रथम व द्वितीय फेरीत सिंहासन संख्या पूर्ण न झाल्यास ऑनलाईन ड्रॉ पद्धतीने तृतीय सोडत व भाविकांना पेमेंटसाठी २८ ऑक्टोबर रोजी सकाळी १०.३० वाजल्यापासून एसएमएस पाठविण्यात येईल. तर २८ ऑक्टोबर रोजी सकाळी १०.३० वाजल्यापासून ते २९ ऑक्टोबर सकाळी १० वाजेपर्यंत भाविकांनी तृतीय सोडतीचे ऑनलाइन पेमेंट करावे. तसेच २९ ऑक्टोबर रोजी सायंकाळी ५ वाजेपर्यंत ऑक्टोबर या महिन्यातील अंतिम सिंहासन पूजा बुकिंग झाल्याची यादी प्रसिद्ध करण्यात येईल. त्यामुळे भाविकांनी पूजा नोंदणीचा लाभ घ्यावा, असे आवाहन श्री तुळजाभवानी मंदीर प्रशासनाच्यावतीने करण्यात आले आहे.