राज्यस्तरीय शालेय कुस्ती क्रीडा स्पर्धेत खरमाटेची सुवर्णपदकाची कमाई
राज्यस्तरीय शालेय कुस्ती क्रीडा स्पर्धेत खरमाटेची सुवर्णपदकाची कमाई
धाराशिव दि.३ (प्रतिनिधी) - राज्यस्तरीय शालेय कुस्ती क्रीडा स्पर्धेत पैलवान पौर्णिमा खरमाटेने सुवर्णपदकाची कमाई केली आहे.
क्रीडा व युवक सेवा संचनालय पुणे अंतर्गत जिल्हा क्रीडा परिषद व जिल्हा क्रीडा अधिकारी कार्यालय आयोजित जिल्हा क्रीडा संकुल बारामती येथे दि.३१ ऑक्टोबर व १ नोव्हेंबर रोजी राज्यस्तरीय शालेय कुस्ती क्रीडा स्पर्धा पार पडल्या. या स्पर्धेत नळदुर्ग येथील कला सायन्स व वाणिज्य महाविद्यालयाची विद्यार्थीनी खरमाटे हिने लातूर विभागाचे नेतृत्व करत १८ वर्षाखालील ६५ किलो वजनी गटात सुवर्णपदकाची कमाई केली. तसेच कुस्ती क्षेत्रामध्ये पौर्णिमेला राज्यस्तरीय स्पर्धेत २ ब्रांझ, ३ सिल्वर व ३ गोल्ड मेडल व जुडो क्रीडा प्रकारात १ गोल्ड, १ सिल्वर पदक मिळालेली आहेत. ती क्रीडा महर्षी शिवाजीराव नलावडे कुस्ती संकुल धाराशिव व सह्याद्री इंटरनॅशनल कुस्ती संकुल पुणे येथे सराव करीत आहे. याबद्दल तिचे सर्वत्र अभिनंदन होत आहे.
