बनावट रेखांकन व दस्ताऐवज तयार करुन शासनाची फसवणूक
बनावट रेखांकन व दस्ताऐवज तयार करुन शासनाची फसवणूक 
धाराशिव दि.३ (प्रतिनिधी) - कळंब तालुक्यातील हावरगाव येथील तलाठी कार्यालयाचे बनावट रेखांकन व दस्तावेज तयार करून शासनाची फसवणूक केल्याप्रकरणी एका विरुद्ध पोलीस ठाण्यात गुन्हा दाखल करण्यात आला आहे.
याबाबत पोलीस सूत्रांकडून मिळालेली अधिक माहिती अशी की, सतिषचंद्र भगवानदास लोढा, रा. ३८/२५, २६ येरंडवणे प्रभात रोड लाईन नं. ७, अपोझीट साईट हिराबाई बडोदेकर येरंडवणे पुणे यांनी दि. ३० जून २०२३ रोजी ६.४५ वाजण्याच्या सुमारास कळंब येथील दुय्यम निबंधक कार्यालयात दस्त क्र १६१५/२०२१ मध्ये बनावट प्रमाणपत्र (तलाठी कार्यालय हावरगाव यांचे प्रमाणपत्र दि.२१ फेब्रुवारी २०२० चे ) दस्तमध्ये सादर करुन बनावट रेखांकन व खोटे दस्तावेज तयार करुन शासनाची फसवणूक केली आहे. या प्रकरणी विशाल राजेंद्र गाते (वय २८ वर्षे), व्यवसाय प्रभारी दुय्यम निबंधक श्रेणी - १ कळंब रा.पाडोळी (आ.) यांनी दि.२ नोव्हेंबर रोजी दिलेल्या तक्रारीवरून भा.दं.वि.सं. कलम- ४२०, ४६७ सह नोंदणी अधिनियम कलम ८२ अन्वये कळंब पोलीस ठाण्यात गुन्हा नोंदवला आहे.
